Kartau di Filisitasau Kabuverdianu~ Nos Storia

Benvindu a es site di internet

Nos storia kumesa ha un sekulu kantu txeu argen imigra di Cabo Verde y ben mora na diferenti kumunidadi di Nova Inglaterra. Nhas bizavos trabadja na diferenti sektor di trabadju sima agrikultura, kasa di baleia y peska. Es txiga, es trabadja riju, es popa y manda dinheru y argun bens pa ses terra natal. Skrebe karta era uniku manera di es dixa ses gentis sabe di ses aligria y tristeza.

Ami, Ana de Pina, fundadora di es prujetu staba ta termina nha Mestradu na Administrasau di Emprezas na Sawyer Business School, Suffolk University na 2023 kantu n pensa ma es idea di un prujetu di inuvasau na MBA Strategy Class pudia na verdadi ben ser na futuru un nogosiu emprezarial. N disidi aventura nes prujetu, N pidi konsedju di un adivogadu, y dia 22 di Maio di 2023, un sekulu dipos di nhas bisavos txiga Estados Unidos, Cabo Verdean Greeting Cards, Kartau di Filisitasau Kabuverdianu, foi ofisialmenti rigistadu na Commonwealth of Massachusetts pa kriasau di kartau na Kriolu, Portugues y Espanhol.

Nes selebrasau di nos primeru anu, du kre rekunhese tudu argen ki djudanu.

Obrigadu a nos, sempri dispunivel editora, Adelina da Silva, a nos kumersiantis Nos Casa Cafe na Boston, MA, Giselle’s Flowers and Gifts in Boston, MA, Genius Planet in Boston, MA, Vicente’s Market in Brockton, MA, Sideline Brand in Vineyard Haven, MA and Zion Union Heritage Museum in Hyannis, MA.

Obrigadu a tudu nhos ki kunpra kartau, partilha post y danu apoiu.

Du ta izisti pa mostra mundu nos beleza di tudu manera.

Obrigadu,

Ana